Musanze FC yatsinze Rwamagana City iyisanze i Ngoma

Hari mu mukino w’umunsi wa 26 wa Shampiyona wabereye kuri Stade ya Ngoma kuri uyu wa Gatandatu tariki 15 Mata 2023.

Musanze FC niyo yafunguye amazamu ku mu munota wa 20 gitego cyatsinzwe na Nicolas Ashade ku ishoti riremereye yatereye inyuma y’urubuga rw’amahina. Rwamagana FC yacyishyuye ku munota wa 49 gitsinzwe na Nicholas Kagaba kuri Penaliti.

Nicholas Ashade yongeye gutsinda igitego ari nacyo cyahesheje amanota atatu Musanze FC ku munota wa 72. Imipira yombi yavuyemo ibitego yayihawe na Peter Peter Agblevor.

Gutsinda uyu mukino byatumye Musanze FC ifata umwanya wa 10. Ifite amanota 33. Ikipe iri ku mwanya wa 6, (Gasogi United) yo ifite amanota 38. Ubuyobozi bw’ikipe ya Musanze FC bwemeza ko bigishoboka ko mu mikino isigaye bakongera bakaza mu makipe 6 ya mbere muri Shampiyona.